Руснаци звикли же
"ТАМ ДЗЕ ПАНУЄ РОЗУМ,
ТАМ ЄДИНИ ПРАВИ ДОМ,
ЗЛОГА, БЕЗПЕЧНОСЦ И БУДУЧНОСЦ"

"А НАШО РУСКЕ СЛОВО, НАШ МАЦЕРИНСКИ, РУСКИ ЯЗИК, ТО НАША МАТИЧНА ЖЕМ, НАШО ОТЕЧЕСТВО ХТОРЕ НАМ НЇХТО НЄ МОЖЕ ВЖАЦ!"

На основи нєурядових резултатох на виберанкох за членох нового Националного совиту руснацох обявюєм мена особох котри би, по числу достатих гласох за лїстини, мали буц члени нового составу Националного совиту.
 
1. ВЄДНО ЗА РУСНАЦОХ - СЛАВКО РАЦ ЦАЦО
Славко Рац з Руского Керестура
Славко Орос з Руского Керестура
Леона Виславски з Дюрдьова
о. Михайло Малацко з Руского Керестура
Микола Ґубаш з Коцура
Нада Лендєр з Вербасу
др Мирослав Планчак з Нового Саду
 
2. РУСКА ЛИҐА - ОЛЕНА ПАПУҐА
Олена Папуґа з Нового Саду
Дюра Винаї з Нового Саду
Михайло Еделински з Нового Орахова
Йовґен Мудри з Нового Саду
о. Владислав Рац з Коцура
 
3. РУСКА МАТКА - ДЮРА ПАПУҐА
Дюра Папуґа з Руского Керестура
Аранка Медєши з Коцура
 
4. СРИМСКА ЛЇСТИНА
Вера Дупало зоз Шиду
Звонко Гнатко зоз Шиду
 
5. ЗА НАРОД СВОЙ - РУСКА ДЕМОКРАТСКА СТРАНКА
Мирослав Бесерменї зоз Сримскей Митровици
Наташа Макаї Мудрог зоз Сримскей Каменїци
 
6. РУСКА МЛАДЕЖ
Сашо Палєнкаш з Руского Керестура

Културно-просветно друштво ДОК – Куцура
Кulturno-prosvetno drustvo DOK – Kucura
Културно-просвитне дружтво ДОК – Коцур
Кultur-oktatasi tartasag DOC – Kuczora
Cultural Educational Society DOC – Kucura

ЗНАМЕ, СЦЕМЕ И МОЖЕМЕ

Вчера, 2. юния 2010. року, у Велькей сали Месней заєднїци Коцур, пред шумним числом заинтересованих, представени кандидати за вибор до членства Националного совита рускей националней меншини зоз Лїстини число 5 - Руска матка.
Бешедовали: Дюра Папуґа, предсидатель Рускей матки и предсидатель Шветовей ради Конґреса Русинох/Руснацох/Лемкох, Мирослав Силадї, портпарол Рускей матки и предсидатель Месного одбора РМ Вербас, Владимир Дудаш и Мария Дорошки, кандидати з Руского Керестура, Аранка Медєши, предсидателька Подружнїци Дружтва за руски язик, литературу и културу Коцур, проф. др Михайло Фейса, предсидатель Културно-просвитного дружтва ДОК и Микола Каменїцки, кандидат. У дискусиї участвовали и: Владимир Сабо Дайко, єден зоз сновательох Рускей матки и почесни предсидатель и Дюрдїца Полдруги, кандидат.
Зоз дискусийох, у хторих було и повторйованя тезох, мож вицагнуц основни напрямки за хтори ше буду закладац терашнї кандидати Рускей матки, а нєодлуга и члени у Трецим НСРНМ. Напрямки мож звесц до пейцох напрямкох:
1. очуванє образовней вертикали и освидомйованє же виучованє руского язика нє терха у едукациї; отримованє порядней настави од предшколского по високошколске образованє и розвиванє пестованя руского язика з елементами националней култури по руских местох; ришованє статуса професорох руского яззика хтори пестую; обезпечованє стипендийох, учебнїкох и др. за виучовательох руского язика;  
2. рационалносц у трошеню цирка 14 (9+5) милионох динарох дотираних з буджета за руску националну заєднїцу, напр. Завод за културу войводянских Руснацох преселїц до Руского Керестура дзе за рочну жедлярину мож купиц цали будинок, дописнїка Силвестера Дорокхазия виселїц дому и його рочни 1.200 еври подзелїц културним дїячом на конто порядней дїялносци;    
3. запровадзиц систематизацию насампредз у руских медийох; професийносц ма буц на першим месце, а найшколованши руски кадер з Оддззелєня за русинистику и Руского напряма Оддзелєня за журналистику треба же би бул на редакторских и руководзацих местох; санкционованє по Закону о информованю ше муши випочитовац - шицки маю буц професийно и обєктивно а нє блатно представяни; историйни факкти нє шму буц фалсификовани; правдиви стан у Карпатским ареалу муши буц читательом представени реално а нє штучно баланс-серайски и под.<  
4. нє протежирац проєкти одредзених ґрупох гражданох, алє утвердзиц бодовне вреднованє манифестацийох и културних збуваньох; санкционованє за нєпоробене ше поодрозумює; НСРНМ треба же би здруженьом дал напрямки за жадану дїялносц (писню, танєц, хореоґрафию ...) та од прилапйованя национално значного ма завишиц и додзельованє буджетских средствох по конкурсох, окреме часц за порядну дїялносц; нє допущиц же би професионализация театра гашела драмски аматеризм;
5. капитални видавательни проєкти ма обдумовац НСРНМ, а нє пара шовґрох у складу зоз ґрупашску свидомосцу;
6. закладац ше за отверанє прекладательних службох при општинох; образовац судских толмачох; за нєдоповедзеносци язичней природи консултовац Оддзелєнє за русинистику и членох ттима хтори закончели капитални Руско-сербски словнїк.          
Коцурцом окреме импонує же на Лїстини число 5 найвекше число Коцурцох у одношеню на други лїстини. Аж 5. Тиж так, на Лїстини 5 и найвекше число кандидатох з Општини Вербас. Аж 7. То у сущносци и лоґичне бо Коцурци и Вербащанє медзи першима у дводеценийней борби за очуванє рускосци (окреме загроженей у остатнїх двох деценийох од українизаторского Союза РуснацохУкраїнцох - без и медзи Руснацами и Українцами), цо, наздава ше Руска матка, и попри анґажованя политичних партийох, насампредз Руснаци Коцура и Вербаса, алє и других руских местох, препознаю на нєдзельовим гласаню.

СВИДОМИМ РУСНАЦОМ НЄ ТРЕБА ОПАСУЛЬОВАНЄ.

РУСКА МАТКА - ЧИСТА ПИЯТКА

проф. др. Михайло Фейса

Руска матка представела своїх кандидатох у Коцуре
У просторийох Месней заєднїци у Коцуре, вчера вечар Руска матка представела кандидатох зоз своєй виберанковей лїстини за виберанки за Национални совит Руснацох.
О тим за цо ше Руска матка, односно єй кандидати хтори войду до Националного совиту буду закладац, найвецей бешедовал предсидатель Рускей матки и ношитель лїстини "Руска матка" Дюра Папуґа.
Окреме представени кандидати з Коцура - Аранка Медєши, Моника Гарди, др Михайло Фейса, Дюрдїца Полдруги и Микола Каменїцки.
Др Фейса визначел же ше, медзи иншим, будзе закладац за "заводзенє шора" у Новосадским "Руским слове"- за зменшанє числа занятих, иншаке ушоренє Дописовательства у Коцуре, и, як гварел - за "очисценє култури од шмеца".
Микола Каменїцки бешедовал о даваню векшей уваги виглєдованю и чуваню нашого народного скарбу, а Аранка Медєшова визначела же ше будзе закладац за толеранцию и заєднїцтво у Националним совиту Руснацох.
Дюрдїца Полдруги гварела же ше на тих просторох лєм Руска матка закладала и борела за Руснацох, та прето поволала присутних най гласаю за лїстину Рускей матки.
Окрем кандидатох з Коцура, на вчерайшей промоциї бешедовали и кандидати з виберанковей лїстини Рускей матки з Руского Керестура - Мария Дорошки и Владимир Дудаш, а кандидат тей лїстини з Вербасу - Мирослав Силадї, гварел же ше у Националним совиту будзе закладац за иншаке финансованє у култури, дзе пенєжну потримовку буду доставац лєм дружтва з резултатами у роботи.
Тиж так, Силадї визначел же на вербаскей ТВ "Бачка" Руснаци маю годзину програми мешачно, цо по його думаню барз мало, та ше Национални совит будзе мушиц заложиц и за векшу часову заступеносц емисийох по руски на тим локалним медию.
После представяня кандидатох, присутни нащивели виставу мурових кухаркох, орґанизовану у Етно клубу "Одняте од забуца".

Прес-конференция

З нагоди виберанкох за Национални совит рускей националней меншини, предсидатель Рускей матки и ношитель виберанковей лїстини "Руска матка", за пондзелок,  31. мая, зволал конференцию за пресу.
На Конференциї за пресу у Рускей матки будзе представена лїстина Рускей матки за вибор нового Националного совиту Руснацох и програма активносцох на єй пропаґованю. Буду презентовани и основни опредзелєня за наступни активносци членох Рускей матки у новим зволаню Националного совиту Руснацох.
Пондзелкова конференция за пресу будзе отримана у Канцелариї Рускей матки у Руским Керестуре, Маршала Тита 59, з початком на 12,00 годзин.

ЗНАМЕ, СЦЕМЕ И МОЖЕМЕ

Руска матка на виберанки за Национални Совит Рускей националней меншини виходзи самостойно зоз свою лїстину. З боку ЦИК лїстина преглашена под числом 5.
Руска матка, як нєвладова орґанизация, од свойого снованя ше стара о очуваню националного идентитету Руснацох на просторох Републики Сербиї, а сами активносци ше найвецей одвиваю на териториї АП Войводини дзе, векшином, Руснаци и жию.
Жаданє Рускей матки участвовац у новим Националним совиту и дац свойо доприношенє у розвою нашого народу, у рамикох компетенцийох котри Национални совит ма спрам Закону о Националних совитох. Нашо думанє же у обласцох култури, образованя, информованя и язика, маме моци и знаня же би зме ище вецей афирмовали и злєпшали положенє свойого народу.
Руска матка на становиску же тот нєпоштредни способ вибераня членох нового Националного совиту, наисце демократични и же дава праву можлївосц нашому рускому народу опредзелїц ше за опцию котра зна, сце и може зробиц шицко цо треба же бизме и у будучносци напредовали и були приклад Русином у швеце.
Активносци котри ше у тей хвильки окончує у шицких местох дзе маме своїх представительох, чечу як плановане. Почало ше дзелїц флаєри и лїпиц плакати котри маю за циль упознац наших людзох з менами кандидатох за членох нового Националного совиту. У цеку пририхтованя за нащиви предсидательом општинох Вербас, Кула и городоначалнїкови Нового Саду. Тиж так, у цеку и пририхтованя за наступи на Радио-телевизиї Войводини як и на локалней ТВ “Бачка” , Радию Вербас и других локалних медийох.
Члени Рускей матки горди пре тото же су Руснаци и сцу тото и остац. Сцу зробиц шицко же би шицки припаднїки нашого народу тиж були горди, и же би навше остали Руснаци. Нашо кандидати за членох Националного совиту порихтани щиро робиц на витворйованю того велького цилю.
Поволуєме шицких Руснацох же би у цо векшим чишлє вишли на тоти виберанки и дали свой глас лїстини Рускей матки под числом 5, прето же ми знаме, сцеме и можеме зробиц шицко за свой єдини народ.

Виберанкова лїстина “Руска матка” - ношитель Дюра Папуґа
шлїдуюци 19 кандидати за членох Националного совиту Руснацох:

1.  Дюра Папуґа з Руского Керестура
2.  Аранка Медєши з Коцура
3.  Мирослав Силадї з Вербасу
4.  Михайло Бодянец з Руского Керестура
5.  Владимир Гаргаї з Нового Саду
6.  Моника Гарди з Коцура
7.  Наташа Шайтош з Нового Саду
8.  др Михайло Фейса з Коцура
9.  Мария Дорошки з Руского Керестура
10. Яким Орос з Кули
11. Владимир Бильня з Вербасу
12. Дюрдїца Полдруги з Коцура
13. Микола Каменїцки з Коцура
14. Владимир Дудаш з Руского Керестура
15. Ксения Бодянец з Руского Керестура
16. Яким Гаргаї з Нового Саду
17. Янко Голик з Нового Саду  
18. Мария Бесерминї з Нового Саду  
19. Миломир Шайтош з Нового Саду

Зоз самостойну лїстину

РУСКИ КЕРЕСТУР, 8. май 2010. (Рутенпрес) - Руска матка на виберанки за нови Национални совит Руснацох виходзи самостойно и Управни одбор Матки утвердзел лїстину своїх кандидатох.

Як Рутенпрес дознава од предсидателя Рускей матки Дюру Папуґу, о самостойним виходзеню на виберанки за Национални совит одлучене концом априла на Управним одборе Рускей матки.

На схадзки Управного одбору 6. мая, утвердзени 19 мена кандидатох за нови Национални совит Руснацох, кельо и максимално може чишлїц єдна лїстина за вибор нашого Националного совиту.

Ношитель лїстини,под назву "Лїстина Руска матка", предсидатель Рускей матки Дюра Папуґа з Руского Керестура.

На "Лїстини Руска матка" кандидати з шицких местох дзе Руска матка ма свойо месни, односно Городску орґанизацию - з Руского Керестура, Коцура, Кули, Вербасу и Нового Саду, дознава Рутенпрес од ношителя лїстини Дюру Папуґу.

После утвердзованя лїстини, у Рускей матки почали активносци на сполньованю потребней процедури за учасц на виберанкох за нови Национални совит, а тих дньох, активисти Матки почню зберац потребни 79 подписи потримовки за свою лїстину.

Моника Гарди нови предсидатель МО Рускей матки у Коцуре

Месни одбор Рускей матки у Коцуре на своєй виберанковей схадзки 7. априла, за предсидательку вибрал Монику Гарди, а за секретарку Ясмину Йованович.

Крем членох Рускей матки з Коцура, виберанковей схадзки МО присуствовали и предсидатель Рускей матки Дюра Папуґа, секретар Матки Михал Бодянец, як и предсидателька МО Рускей матки Руски Керестур Мария Дорошки.

У першей часци схадзки, дотерашня предсидатель МО РМ Коцур Славица Бесерминї поднєсла звит о роботи и финансийни звит, хтори єдногласно прилапени.

Бесерминьова тиж подзековала членом МО РМ на сотруднїцстве у роботи, з обецунку же и надалєй будзе на помоци членом Рускей матки у Коцуре.

У мено членох Рускей матки, як и єй Управного одбору, предсидатель РМ Дюра Папуґа на виберансковей схадзки Месного одбору Матки у Коцуре окреме подзековал дотерашнєй предсидательки Славици Бесерминьовей на 10-рочней витирвалей роботи, и з тей нагоди єй уручел пригодни дарунок.

Нова предсидателька МО РМ Коцур Моника Гарди на виберанковей схадзки поднєсла план роботи за тот рок, наглашуюци же ше будзе намагац робиц на хасен Рускей матки, Руснацох и Коцура, як цо то робела и єй предходнїца Бесерминьова.

(Рутенпрес)

Всоботу предполадню, 20.02.2010. отримана порядна рочна Скупштина Рускей матки Сербиї. Источасно, тота Скупштина була и виберанкова,.... (...цали текст...)

Слики зоз скупштини

Форум

Лидере українскей дияспори припознали факт етноциду над руснацами у України

ПЛАН МИРОХ ЗА РИШОВАНЄ ПИТАНЯ РУСИНСТВА НА ПОДКАРПАТ'Ю

Писмо 159 подписнїкох як поукраїнчиц Руснацох (02.01.1967.)

Руска матка Сербиї, дружтвена, нєполитична орґанизация Руснацох, основана 1990. року, предлужела роботу Руского Народного Просвитного Дружтва (РНПД) и окончує барз значну улогу у живоце руского народу, а окреме на зачуваню националного идентитету. Матка ше намага нє лєм зачувац, алє и розвивац тото цо руски народ створел прейґ вецей як 250 роки живота на тих просторох у образованю, науки, култури, информованю и видавательней дїялносци.

Зоз свою роботу, Руска матка здобула авторитет нє лєм у нашей жеми, алє и у шицких державох дзе жию Руснаци.

Руска матка припозната як леґитимни представитель Руснацох у Сербиї.

Член є Шветового Конґреса Руснацох, Шветовей ради Руснацох и Европскей Федерациї националних меншинох "Мезон де пеї". Була орґанизатор Трецого Шветового конґреса Руснацох 1995. року у Руским Керестуре.

Циль Рускей матки, насампредз, очуванє националного идентитета Руснацох, як и одкриванє, пестованє и розвиванє руских културних вредносцох як и популаризованє науки, литератури, образованя, уметносци и култури. У тих рамикох ше находза: национална библиотека и читальня, архив, музей и ґалерия.

У витворйованю своїх цильох Руска матка окончує шлїдуюци задатки: виучованє и стимулованє рускей литератури и руского язика, орґанизованє и окончованє наукововиглєдовацких дїялносцох у обласци дружтвених наукох, видаванє публикацийох з науки, литератури и уметносци, зазберованє и чуванє архивного материялу одкупеного лєбо дарованого Рускей матки, сотрудзованє з науковима и фаховима орґанизациями и институциями у обласци науки, култури, информованя и з другима орґанизациями, заєднїцами и дружтвами.

През цали час за 260 роки Руснацох инспировала и помагала Грекокатолїцка церква, односно нашо Владичество. Крижевски владикове зоз численим священством часц своїх длужносцох и авторитета положели до фундамента рускей културней скарбнїци, моралного воспитаня, колективней свидомосци и чувства за рационални поступки, так як швечи добренамирному чловекови.

Горе

Optimised for I. E. 6. (screen resolution 1024 x 768)